දුගී පැලෙන් මන්දිරයට
 |
සුන්දර කදු පංතියකින් වට වූ සරුසාර කෙතක් මධ්‍යයේ සුසැදුණු පොල් අතු සෙවිලි කළ කුටුම්බය, කුසට නිසි අහරක් නොමැතිව ගොවි පෙවිපෙතින් ගත කළ ආදර කැදැල්ල, දුකට හුරු වූ පවුලේ එකම කොලුවා, නොසිතූ නිමේෂයකදී අත් විදීමට සිදු වූ ඛේදජනක ඉරණම, ඉරණම ජීවිතයට නව ආරම්භයක් කරගත් කොලුවා, ජීවිතය නොසිතූ පැතිකඩක් කරා රැගෙන යාමෙහි ප්‍රයත්නය කල එළි නංවන හැගිම්බර සිතුවිලි සමුදාය...
2. සමාජ පසුබිම
ගැමි පවුල් කුටුම්බයක් තුළ වෙහෙසකාරී ජීවන ගමනාන්තය කියාපාන මධ්‍යම පාන්තික පවුල් පසුබිම.
3. චරිත
චමත් ( ප්‍රධාන චරිතය ), ලලිතා ( චමත්ගේ මව ) , සේන (චමත්ගේ පියා ) ,කිරා ,සෙල්ටා , කිරි පුතා ,ටිකිරා (චමත්ගේ මිතුරු සමූහය ) , ප්‍රභා ( ගමේ ගැටිස්සියක් ), මාස්ටර්, පියසීලි, ඉදුෂි ( ප්‍රභාගේ පවුල), මුදලාලි, සෝරත හිමි, හැරී, බබෝරිස්, අප්පු, සුමනා, සෙනෙවි ( ගම් වැසියෝ ) සෙසු චරිත සමූහයක් වටා කතාව ගෙතී ඇත.
4. ප්‍රකාශිත ව්‍යුහය
ආරම්භයේ සිට අවසානය දක්වා විවිධ අභියෝග මධ්‍යයේ ජීවිතයට මුහුණ දෙන චමත්ගේ ජීවිතය විවරණය කිරීම.
* මුල : දරිද්‍රතාවයෙන් පෙළෙන කෙතක් මධ්‍යයේ පිහිටි සොදුරු නවාතැන.
* මැද : නොසිතූ මොහොත අමිහිරි අත්දැකීම් තුළින් ජීවන නෞකාව පැදවීම
* අග : "උත්සහවන්තයා ජය ගනී" යථාර්ථයක් යන්න හගවමින් ජීවන නෞකාව කල එළි නැංවීම
5. නවෝත්පාදන ශක්‍යතා,
සියලු චරිතයන් සජීවී ආකාරයෙන් කතාවට උපයුක්ත කර ගැනීම.
6. භාෂා උපක්‍රම
* නිර්මාණාත්මක භාෂා භාවිතය
* ගැමි ව්‍යවහර භාෂාව
* කමත් භාෂාව උපයුක්ත කර ගැනීම.
7. දෙබස්වල විශේෂතා
උච්චත ම අවස්ථාවල දී කතාවේ චරිතවල ක්‍රියාකාරිත්වය සංවාද පෙරටු කර ගනිමින් කියාපාන අතර පාඨකයාගේ මනස කතාව තුළ ම රදවා ගැනීමට උත්සහ කිරීම
8. නිර්මාණාත්මක බව
* බිහිසුණු අවස්ථා රසවත්ව ඉදිරිපත් කිරිම
* සංකේත භාවිතය ( ගැමි ජනයා අතර ප්‍රචලිත )
9.ලිවිමේ අපහසුතා මග හරවා ගැනීමට උපයෝගී කරගන්නා ක්‍රම
* අවස්ථා සිද්ධි චිත්‍ර තුළින් නිරූපණය කිරීම
* දළ සටහන් ඇදීම.
10.ලිවිමේදී ඉවසීමේ ගුණය ප්‍රගුණ කිරීමට ගනු ලබන ක්‍රියාමාර්ග
විවේකීව නිදහසේ සිටින කාලය තුළ ග්‍රාමීය අත්දැකීම් ඇසුරින් කතාව නිර්මාණය කිරිම.
- සචිනි නිමේෂිකා -
No comments:
Post a Comment